طالبان گروهی نینگ دوحه ده مذاکره قیلوچی هیاتی نینگ بیر اعضاسی، قطرده دوام ایتیب باره یاتکان تینچلیک مذاکره لر موفقیتی گه ایرشیشی اوچون بیر قطار ایچکی و تشقی تمان لر توسیق یرتماقده لردیب ادعا قیلگن.

طالبان گروهی نینگ مذاکره قیلوچی هیاتی اعضاسی مولوی عبدالسلام حنفی بوکون ایرته لب( یکشنبه ۶ میزان) بیر ویدیویی پیام ده ایتکن بو گروه، مذاکره لرنینگ ایش طریقه سیده موجود بولگن کیلیشموچلیک لرنی برطرف ایتیب بو طریقه یکونی لایحه سینی تیارلش ده سعی قیلماقده.  حنفی جنابلری ایریم ایچکی و تشقی تمان لر صلح مذاکره لری موفقیت گه ایرشیشی گه توسیق یرتماقده دیب اما تینچلیک آقیمی گه توسیق یرتکن لر کیم بولگنی یا قیسی تمان لر ایکمی حقیده تفصیلات بیرمگن.

طالبان نینگ مذاکره قیلوچی هیاتی نینگ بو اعضاسی تینچلیک مذاکره لرایش طریقه سیده یوزگه کیلگن کیلیشموچلیک لرحقیده دیدی بو گروه دوحه ده طالبان و امریکا ارا امضالنگن کیلشونامه جاری مذاکره لرنینگ اساس و پای دیواری اوله راق نظرگه آلینیشی ده سعی قیلماقده اما حالانکه افغانستان دولتی مذاکره قیلوچی هیاتی اعضالری صلح مشورتی لویه جرگه قرارلری اساس آلنیشی ده تاکیدلشماقده لر.

حنفی جنابلرینی تاکیدلشیشیچه طالبان هیاتی اعضالری صلح مذاکره لری جریانیده یوزگه چیقه یاتکان کیلیشموچلیک لرنی حل ایتیش اوچون « حنفی فقه » یگانه شرعی مرجع اوله راق نظرده آلینیشی نی طالب ایتکن حالانکه افغانستان دولتی مذاکره قیلوچی هیاتی بو موضوع نی قبول ایتمگن.

طالبان گروهی نینگ مذاکره قیلوچی هیاتی نینگ بو اعضاسی شونینگ دیک اوتکن کونی اوتکزیلگن مذاکره لر جریانیده جعفری مذهبی گه نسبتا طالبان تمانی مخالفی قیلگنی نی ناتوغری دیب ایتکن. حنفی جنابلری تاکیدلیدی طالبان تمانی کیلیشموچلیک لرگه سبب بولگن برچه موضوع لر تیز راق حل ایتیلیش نی ایستی اما بو یوتوق گه قول تاپیش ایککی هیات حسن نیتی گه تیگیشلی دیر.

افغانستان دولتی مذاکره قیلوچی هیاتی اعضالری ایککی تمان ارا یوزگه چیققن کیلیشموچیلیک لرنی برطرف ایتیش ده طالبان تمانیدن مذاکره لرنی ایش طریقه سیده تصدیق لنیشی اوچون انعطاف کورستیلمگنی سبب مذاکره لر زمانی اوزیتیریلگن دیب ایتکن.