جمهورریس محمد اشرف غنی، افغانستان ده دایمی تینچلیک تامین لنیشی اوچون جهان جماعه سی جمهوریت یانیده تورگن دیب ایتی.

غنی جناب لری اوتکن شام ( دوشنبه ۳۱ سنبله ) کابل ده خلق ارا تینچلیک کونی مناسبتی بیلن اوتکزیلگن مراسم ده، مملکت ده دایمی تینچلیک یالغیز جمهوریت تیزیمی دایره سیده تامین لنیشی ممکن دیب ایتکن. غنی جنابلری، اساسی قانون قدریت لرینی سقلش ده اورین لی بولگن دایمی تینچلیک اولکه ده، مذاکره قیلوچی هیات نینگ صبر و حوصله سی بیلن ممکن بوله دی دیب تاکیدلشکن.

جمهور ریس غنی، افغانستان ده تینچلیک آقیمی بیر اساسی نتیجه گه ایریشیشی اوچون جهان جماعه سی جمهوریت یانیده تورگن دیگن.

عینی حالده اوتکن کونی ناتو تشکیلاتی نی افغانستان ده گی ملکی نماینده سی هم بو تشکیلات افغانستان ده دایمی تینچلیک و برقرارلیک تامین لنیشی وقتی گه چه افغانستان امنیتی و مدافعوی قوتلری دن حمایت ایتیب بو قوتلرنی جهاز لنتیریش ده ایشلرینی دوام ایتیره دی دیب سوز بیرگندی.

جمهورریس غنی بو مراسم ده شونینگ دیک مملکت ده تینچلیک و قشاقلیک نی کمیتیریش گه اشاره قیلیب دیدی قشاقلیک یالغیز دایمی تینچلیک سایه سی آستیده برطرف ایتیلیشی ممکن. اونگه کوره تینچلیک کیلشوی حاصل بولگندن سونگ، اگر حکومت بیر اقتصادی اوزگریش نی مملکت ده ریجه لنتیرسه، صلح وتینچلیک دایمی قالیشی هم ضمانت بوله آله دی.