ملي اردو قوتلريني مملكت شمالي ده گي مسووللريگه كوره فارياب ولايتي نينگ خواجه سبزپوش و قرغان تومنلريده امنيتي قوتلر و طالبان جنگچيلري ارا توقنشو نتيجه سيده طالبان گروهي نينگ ١٤ جنگچي سي اولديريليب و ١٨ جنگچي سي هم ياره لنگن. بولردن ايككي كيشي سي طالبان گروهي نينگ خارجي اعضالري بولگن.

شاهين قول اردوسي سوزچيسي محمدحنيف رضايي نشانه خبر آژانسي بيلن صحبت ده ديدي، اوتكن كيچه ( سه شنبه ٤ سنبله ) فارياب ولايتيده يوزبيرگن توقنشوده طالبان نينگ ١٤ جنگچي سي اولديريلدي و بو گروه ني بير مشهور قومانداني ” قاري تاجي ” و ايككي خارجي اعضاسي هم قتيغ جراحت كورگن. رضايي جنابلري بو ايككي خارجي جنگچي كيمليگي هنوز معلوم بولمگن ديب ايتكن.

شاهين قول اردوسي سوزچيسي ني معلوم قيليشيچه ” بادغيسي، قرمه، كشيكتان، تراقچي و كارگرخانه ” قشلاقلري طالبان جنگچي لريدن تازه لنگن. رضايي جنابلري اما امنيتي قوتلر احتمالي تلفاتي حقيده معلومات بيرمگن. طالبان گروهي هم بو خصوص ده رسانه لرگه بيران تفصيلات بيرمگن.

ميمنه – مزارشريف شاه يوليده اوچ ييل دن سونگ امنيتي و مدافعوي قوتلر تمانيدن تازه لش عملياتي يولگه قويلگن.