افغانستان قاچقينلر وزيرليگي ني اعلان قيليشيچه اوتكن بير آي جريانيد مملكت اهالي سيدن قريب ٦٠ مينگ كيشي ايران دن اوز رغبتلري و جبري روشده مملكت ده قيتيب كيلگن.

بو وزيرليك بوكون(شنبه ٢٥ اسد) بير خبرنامه نشر ايتيب، جاري ييل نينگ سرطان آيي ٢٤ نچي كوني دن ٢٤ اسد گه قدر ايران ده يشه ياتكان افغان مهاجرلردن ٦٣ مينگ و ٥١٩ كيشي جبري و دواطلبانه روشده اوز مملكت لريگه قيتيب كيلگني دن خبر بيرگن.

بو وزيرليك تمانيدن نشر بولگن خبرنامه ده بو رقم دن ٤١ مينگ و ٩٧٤ كيشي هرات ولايتي ني اسلام قلعه و ٢١ مينگ و ٥٤٥ كيشي نيمروز ولايتي ني ميلك بندرلري آرقلي مملكت گه قيتيب كيلگني تاكيدلنگن.

باشقه تماندن قاچقينلر وزيرليگي معلوماتيگه كوره مملكت گه قيتيب كيلگن اكثر قاچقينلر، اوز رغبتلري بيلن مملكت گه قيتيب كيلگن مهاجر لر بولگن.بو آره دن ايران ده رسمي استقامت حجتي گه ايگه بولگن ١٠٢ كيشي هم اوز رغبتي بيلن افغانستان گه قيتيب كيلگن.شو معلومات گه اساسا” جبر بيلن ايران چيقاريلگن كيشلر رقمي همه دن كوپراق دير، بو شخص لر رقمي ٢٨ مينگ و ٦٢١ كيشي دن عبارت.

افغانستان اهالي سي اونداي بير حالده مهاجرت دن اوز اولكه لريگه قيتيب كيلماقده كه ايران ده كروناويروسي تاباره ييرليشي و ايشسيزليك معماسي بو موضوع گه سبب بولگن، چونكه ايران ده ايش آختريب بارگنلر بو وضعيت دن كتته صدمه كورگنلر.