سيناولر ملي اداره سي ١٣٩٩ ييلي عمومي كانكور سيناوي نتيجه سيني اعلان ايتي.

سيناولر ملي اداره سي ريسي عبدالقدير خموش بوكون ( پنجشنبه ٣ ميزان) كابل ده بير خبري يغين ده كانكور سيناوي نتيجه سي ني اعلان ايتيب ديدي جاري ييل ده سيناوگه اشتراك ايتكن ياشلردن ٩٨ فايزي كامياب ليك رقمي ني كسب ايتكن اما مملكت نينگ عالي تحصيلات اداره لري بو اشتراكچي لر برچه سيني جذب ايتيش ده قابليت و ظرفيتي يوق ديدي.

عيني حالده محمد نسيم فرزندي شمسيه كابل ولايتي دن ٣٥٣.١٨٥ امتيازني كسب ايتيب بيرينچي درجه ني قولگه كيلتيرگن. شونينگ ديك محفوظ الله فرزندي نعمت الله كابل دن ٣٥٣.١٣٣ امتياز بيلن ايككينچي مقام و گل حسين فرزندي محمد مجتبي ٣٥٩ نمره بيلن اوچينچي مقام ني كسب ايتكن.

سيناولر ملي اداره سي ريسي جاري ييل كانكور سيناويده بوتون شفافيت نظرده الينگني دن ايشانچ بيلديردي.اونگه كوره سيناو نتيجه سيده هيچقنداي قلابكارليك بولمگن.

عيني دمده عالي تحصيلات سرپرست وزيري عباس بصير كانكور سيناوي نتيجه سي اعلان ايتيليشي ده شفافيت رعايه ايتيلگني ني تاكيدلب برچه كامياب بولگنلرني عالي و يريم عالي تحصيلات بيليم يورتلرده جذب ايتيليشي اوچون كيرك لي ظرفيت يوق ليگي ني كتته نقص اتب مملكت عالي درگاه لري يالغيز كانكور سيناوي اشتراكچي لريدن اون فايزيني جذب ايتيش ده قادر ديب ايتكن.

جاري ييل ده كانكور سيناوي ده٢١٠ مينگ كيشي اشتراك ايتكندي.