افغانستان دولتی نینگ طالبان بیلن مذاکره قیلوچی هیات سوزچیسی نادرنادری ایککی تمان نینگ تماس گروهی اعضالری ایککی کون تعطیل لیک دن سونگ اوچرشیب مذاکره قیلگنی دن خبر بیرگن.

نادرجنابلری بوکون ایرته لب( دوشنبه ۷ میزان) توییتر صحیفه سیده یازگن بو اوچرشو اوتکن کونی شام قطر پایتختی دوحه گه اوتکزیلگنی نی یازگن. نادری جنابلری بو قوشمه یغین ده دولت و طالبان نینگ تماس گروهی نینگ مذاکره سی نیچه ساعت دوام ایتکنی نی ایتیب ایککی تمان تینچلیک مذاکره لر ایش طریق سیده یوزگه کیلگن کیلیشموچیلیک لرنی باره سیده صحبت لشکنلر.

افغانستان دولتی مذاکره قیلوچی هیاتی سوزچیسی « بو بحث لردوام ایته دی » دیب یازگن ایککی تمان ارا ایککی موضوع بویچه کیلیشموچلیک لر برطرف ایتیلمگن. نادری جنابلری بو موضوع لر حقیده تفصیلات بیرمگن.

طالبان تمانی جاری مذاکره لر بو گروه نی امریکا بیلن امضالشکن کیلیشونامه سی اساسیده و حنفی مذهبی کیلیشموچیلیک لرنی حل ایتیش شرعی مرجع سی اوله راق تعین لنیشی نی تاکیدلشکن اما دولت تمانی بو ایککی موضوع گه قرشی لیک کورستکن.

افغانستان دولتی مملکت ده عمومی آتش کیسیم برقراربولیشی و تینچلیک مذاکره لر مصلحتی لویه جرگه قرارلری اساسیده آلغه سوریلشی و کیلیشموچیلیک لرنی برطرف ایتیش ده هیچ بیر مذهبی مرجع مذاکره لرنی ایش طریق سیده یازیلمس لیک نی تاکیدلشکن. ایککی تمان بو مذاکره لر باشلنگنی دن ۱۵ کون اوتر هلی هم بیران موضوع حقده کیلیشه آلمگن لر.