ننگرهارده تورت ایملاوچی اۉلدیریلیشیدن سۉنگ چولیو ایملش دستوری توخته‌تیلدی
neshananews
15 June 2021ساغلیقنی سه‌قلش وزیرلیگی تۉرت اېملاوچی نینگ اۉلدیریلیشیدن سۉنگ ننگرهارده پولیو کسللیگی گه قرشی اېملش کمپاینی توخته‌تیلگنلیگینی تصدیقله‌یدی.
ساغلیقنی سه‌قلش وزیرلیگی سوزچیسی اۉرین‌باسری عثمان طاهری نشانه خبرآژانسی بیلن صحبت ده بو تورت اېملاوچی ننگرهارولایتی نینگ خوگیانی، سرخراود و ننگرهار مرکزیده اۉلدیریلگنلیگینی ایتدی.
جناب طاهری ینه اوچته اېملاوچیلر بو تومنلرده جراحت آلگنینی قۉشیمچه قیلدی. اونگه کۉره، پولیو کسللیگی گه قرشی اېملش کمپاینی ده خذمت گه آلینگن رضاکارلر اېملشنی عملگه آشیره‌یاتگنده نامعلوم قوراللی شخصلر تامانیدن هجومگه اوچره‌گن.
ساغلیقنی سه‌قلش وزیرلیگی سوزچیسی پولیو کسللیگی گه قرشی اېملش دستوری اېملاوچیلر اۉلدیریلگن و یره‌لنگنیدن بیر کونگه چه توخته‌تیلگنلیگینی تأکیدله‌ماقده.
بوندن بېش آی آلدین ننگرهارولایتی ده پولیوگه قرشی اېملاوچیلر نینگ بیر قِسمی نامعلوم شخصلر تامانیدن اۉلدیریلگن اېدی. هجوملر اوچون جوابگرلیکنی بیران بیر گروه اۉز ذمّه‌سیگه آلمه‌گن.
