ننگرهار محلي رسميلريگه كوره داعش گروهي ني بو ولايت ده گي مطبوعات و مالي ايشلر مسووللري ملي امنيت اداره سي عملياتي نتيجه سيده توتقين ده آلينگن.

ننگرهار ولايت حاكمي سوزلوچي سي عطاالله خوگياني بوكون ( يكشنبه ١١ عقرب) نشانه خبر آژانسي بيلن صحبت ده داعش گروهي نينگ بو ايككي تنيقلي اعضالري اوتكن كوني شام جلال آبادشهري سكيزينچي حوزه سيدن ملي امنيت اداره سي عملياتي نتيجه سيده حبس ده آلينگني دن خبر بيردي.

خوگياني جنابلري بو عمليات ده داعش گروهي نينگ باشقه ايككي اعضاسي بو مسووللر بيلن حبس ده آلينگني ني علاوه ايتي.

ننگرهار ولايتي بوندن نيچه ييل آلدينگه چه داعش گروهي نينگ خراسان قناتي مهم مركزي جمله سيدن سنه لردي، اما ايككي ييل آلدين بو گروه اعضالري دولت گه تسليم بولديلر.

هرچند افغانستان دولتي ننگرهار ولايتي داعش گروهي جنگچي لريدن تازه لنگني ني اعلان ايتكن اما بو گروه جنگچي لري هلي هم بو ولايت نينگ ايريم تومن لريده فعاليت قيليشي ايتيلماقده.