ني صالح گه : معلومات بیریش جرم اېمس؛ ایچکی ایشلر وزیرلیگی خادملرینی اۉز وظیفهلریگه قَیترینگ
جمهور رییس بیرینچی اۉرینباسری امرالله صالح ایچکی ایشلر وزیرلیگینینگ آغیر جنایتلرگه قرشی کورش ادارهسینینگ تۉرت نفر خادمینی عامهوي اخبارات واسطهلریگه معلومات بیرگنلیکلری اوچون ایشدن بۉشتکندی.
افغانستان نینگ عامهوي اخبارات واسطهلرینی قۉللب-قوّتلاوچی “نی” دفتری اوشبو حرکتگه مناسبت بیلدیریب، “مخفي بۉلمهگن” معلوماتلرنی عامهوي اخبارات واسطهلری بیلن شریک قیلیش جنایت اېمسلیگینی ایتکن. نی ادارهسی حکومتنی اوشبو خادملرنی قَیته وظیفهلریگه چقیریلیشیني طلب ایتکن.
بوگون ( چهارشنبه ۲۶ جوزا) نی ادارهسی نشرایتکن خبرنامهسیده معلوماتلرگه اېگه بۉلیش اهالی نینگ اساسي حقوقی اېکنلیگینی و قانون یخشینیت بیلن معلوماتلرنی شریک قیلهیاتکان کیشیلر مصونیتینی کفالت قیلگنیني تاکیدلشکن.
خبرنامهني قۉشیمچه قیلینیشیچه، مملکت باشقانونی قاعدهلریگه کۉره، هېچ کیم دولت خدمتچیلرینی قانوني روشده معلومات شریک قیلگنی اوچون ایشدن بۉشهتیشگه حقلی اېمس. نې حکومتنی ایچکی ایشلر وزیرلیگی نینگ تۉرت خادیمینی وظیفهلریگه قَیته تیکلشگه چقیرگن. نې ایشدن بۉشهتیلگن ایچکی ایشلر وزیرلیگی خادملری حقیده باتفصیل معلومات بېریلمهگن.
نې ادارهسی، شونینگدېک، حکومتنی اهالی و عامهوي اخبارات واسطهلریگه قانوني روشده معلومات بېرهدیگن شخصلردن حمايت و قۉللب-قوّتلشگه چقیرگن. اوشبو مؤسسه متصدیلری نینگ فکریگه کۉره، دولت خدمتچیلری معلوماتلرینی عامهوي اخبارات واسطهلری بیلن شریک قیلیشی فساد و منصب وکالتلریدن سوءاستفاده قیلیشگه قرشی کورهش نینگ اساسي استراتیژي سیدیر.
بیراق، جمهور رئیس بیرینچی اۉرینباسری امرالله صالح حاضرگهچه بو بارهده ایضاح بېرمهگن.
عینِ پیتده، یوقاری لوازملی حکومت عملدارلری بیر نېچه بار معلوماتلرنی تۉسیب قۉییشگن. بوندن اوّلراق، جمهوررییس غنی تخار ولایت حاکمی مطبوعات کاتبینی ولایتدهگی اردو هوا هجومیدن کېین تینچ اهالی نینگ قربان بۉلیشیگه ایضاح بېرگنی اوچون ایشدن بۉشهتگن اېدی.
حکومت برچه ولایت حاکملری سوزچیلرینی عامهوي اخبارات واسطهلری بیلن صحبتلشدن منع ایتکن. حکومت نینگ بو حرکتی ژورنالیستلر و عامهوي اخبارات واسطهلری نینگ جدی مناسبتیگه سبب بولدی. ژورنالیستلر و ژورنالیستلرنی قۉللب-قوّتلاوچی مؤسسهلر حکومت نینگ بو حرکتینی مملکتده معلومات ترقتیش جریانیگه قرشی تۉسیق دېب تعریفلشکن.