نی: حکومت عامه‌وي اخبارات واسطه‌لریگه چېکلاولر قۉییشگه حرکت قیلماقده
neshananews
07 July 2021افغانستانده‌گی اېرکین عامه‌وي اخبارات واسطهلرنی حمايت ایتوچی ني موسسه‌سینی ایتیشیچه، حکومت بیرینچی مراتبه عامه‌وي اخبارات واسطه‌لرینی چېکلشگه حرکت قیلماقده.
بو موسسه بوگون (چهارشنبه ۱۶ سرطان )، نشر ایتکن خبرنامه‌سیده حکومت نینگ عامه‌وي اخبارات واسطه‌لریده چېکلاولر قۉییشگه اورینیشینی تنقید قیلگن
ني خبرنامه‌سیده یازیلیشیچه حکومت بیرقطار وزیرلرینی اخبارات واسطه‌لر قابلیتی عنوانی ایله ییغیلیشی حکومت نینگ عامه‌وي اخبارات واسطه‌لریگه چېکلاولر قۉیگن بیرینچی عملي قدمی بولگن.
افغانستان عامه‌وي اخبارات واسطه‌لرینی قۉللب-قوّتلش موسسه‌سی، حکومت نینگ مملکتده‌گی خوفسیزلیک حالتیدن خواطرلنیب، عامه‌وي اخبارات واسطه‌لریگه چېکلاولر قۉییشگه قره‌تیلگن حرکتلرینی توصیفله‌یدی و خوفسیزلیک اداره‌لری عامه‌وي اخبارات واسطه‌لریگه چېکلاولر قۉیمسلیک اۉرنیگه اۉزلری نینگ تشویقات ایشلرینی کوچه‌یتیریشلری کېره‌کلیگینی ایتکن.
نی اداره‌سیگه کۉره، یقینده بۉلیب اۉتگن حربي ماجرالر آرتیدن حکومت نینگ اخبارات تیزیمی نینگ ضعیفلیگی عامه‌وي اخبارات واسطه‌لرینی نادولت منبعلرگه ته‌یه‌نیب، مملکت خوفسیزلیگی حالتینی یاریتیشگه آلیب کېلدی.
نی حکومت نینگ اېرکین عامه‌وي اخبارات واسطه‌لرینی چېکلشگه اورینیشینی ناقانوني دېب حسابله‌یدی و حکومتنی سۉز اېرکینلیگینی چېکله‌یدیگن هر قندی حرکتلردن واز‌کیچیشی و هر بیر حالتده قانوننی بوزه‌دیگن عامه‌وي اخبارات واسطه‌لری دن هربیری بیلن مناسبت کورستیشی لازم دیب تاکیدلشکن.
اېسله‌تیب اۉتمیز، کېچه بۉلیب اۉتگن ییغیلیشده وزیرلر محکمه‌سی نینگ بیر قطار اعضالری، عامه‌وي اخبارات واسطهلرنی نشریات‌لریده ملي منفعتلرنی حمایه قیلیشگه چقیریب و مملکتده‌گی عامه‌وي اخبارات واسطه‌لرینی خوفسیزلیک کوچلری نینگ روحیاتینی ضعیفلشتیراتگان معلوماتنی نشر اېتیشدن وازکیچیش‌گه چقیردی.
