ني: مذاكره قيلوچي تمانلر تينچليك مذاكره لرده سوز ايركين ليگي ني ضمانت قيليش لري لازم
neshananews
14 September 2020افغانستان ده ايركين رسانه لردن حمايه ايتوچي ني موسسه سي،صلح مذاكره سي تمانلري بورسوزلشولرده سوز ايركين ليگي و بشري حقلري قدريتلريني سقلنيشي ني ضمانت قيليش لريني ايتكن.
ني باشلغي مجيب خلوتگر بوكون( دوشنبه ٢٤ سنبله) بير خبري يغينده كابل دي ديدي طالبان نينگ سوز ايركين ليگي و انسان حقلري قدريت لري قره ش لريگه اوزگريش معلوم بولمگن.
خلوتگرجنابلري ديدي قطر يغيني دن سونگي كونلرده اجتماعي ترماقلرده قول مه قول بوله ياتكان ويديو صحبتلر بو حقيقت ني كورسته دي كه انسان حقلري و سوز ايركين ليگي قدريتلريگه نسبتا” طالبان نينگ قره شي گه هيچقنداي اوزگريش كوزگه كورينميدي.
خلوتگرجنابلري علاوه ايتي شو سبب دن مذاكره قيلوچي تمانلر افغانستان يشوچيلريني بو خصوص ده گي تشويش لريگه جواب بيريش لري و بو قدريتلر سقلنيشي اوچون كيرك بولگن ضمانتلرني بيريش لري لازم.
ني موسسه سي باشلغيگه كوره سوزايركين ليگي و انسان حقلري كبي قدريتلرگه اعتنا قيلمس ليك در حقيقت مردم منفعتي گه ضد دير و بوندن واز كيچيشلري كيرك .
بو تشويشلرگه قره مسدن طالبان گروهي بو مذاكره لرده انسان حقلري قدريتلري سقلنيشي ده كليشيشلري ممكن. طالبان گروهي رهبري اورين باسري ملاعبدالغني برادر قطر ده مذاكره لر باشلنيشي مراسمي ده اوز نطقي ده بير” برچه افغانلر اوني دايره سيده ايناغه ليك بيلن يشش لري ممكن بولگن بير اسلامي تيزيم” ايجاد ايتيليشي ده تاكيدلشدي. برادر جنابلري نينگ بو سوزلري كوپ گينه اميدلرني توغديرگن.
