کابلده موترسایکل بیلن باردیکیلدی منع ایتیلدی
کابل پولیس قوماندانلیگی بوندن سونگ کابل نینگ مرکزی و تومنلریده موترسایکل بیلن باردی کیلدی منع ایتیلگنی ني اعلان قیلدی.
کابل پولیس قوماندانلیگی بوگون (۷-سرطان ، دوشنبه) نشرایتکن خبرنامهسیده یازیشیچه، حجتلی و حجتسیز بیرکیشیلیک و ایککی کیشیلیک موترسایکل کابل شهری و تومنلرینی ایلنیب چیقیش حقوقیگه اېگه اېمس.
خبرنامه نینگ قۉشیمچه قیلیشیچه، اوشبو چارهلر خوفسیزلیک بیلن باغلیق حادثهلر نینگ آلدینی آلیش اوچون قبول قیلینگن. کابل پولیس قوماندانلیگی کابلده اعلان قیلگن بو چیکلو مدتی حقیده ایضاح بیرمگن.
بوندن آلدین، فقط حجتسیز و ایکّی یۉلاوچیلیک موترسایکللر قتناووی کابل و ییریک شهرلرگه منع ایتیلگندی.
اوشبو حرکت بعضی ریجهلنگن هجوملر و جنایي حادثهلر موترسایکل یاردمیده عملگه آشیریلگندن سۉنگ عملگه آشیریلدی.