بوکون لرکوپلب ایشچی باله لراوتمیش ده‌گی ایشلر اورنیده نقاب ساتیش ده یوزکیلتیرگنلر. اکثرلری ۱۵ یاش نی تولدیرمگن بو باله لرحاضرچه شبرغان شهری گوجوم ساحه لری و بانک بر مقابلی ده مشتری کوتماقده لر.بو باله لرکرونا ویروسی ییرلگنی دن آلدین جوزجان ولایتی ده ایاغ کیمی نی بویش و هرخیل اشیالرنی ساتیش بیلن شغللنردیلر.اما کرونا ویروسی تاپیلگنی و شبرغان شهرییده قرنطینه جاری بولگندن سونگ بو باله لر اولگی وظیفه لرینی قول دن بیریب حاضرنقاب « ماسک» ساتیش ده یوزکیلتیرگن.

 کروناویروسی ییرلگنی سبب بیرقطارعایله لرنقاب ایشلب چیقاریش گه یوزکیلتیرگن. بو عایله لرهرکونی اویلریده ۵۰ دن ۱۰۰ نقاب ایشلب چیقاریب و شهرده هر نقاب نی ۱۰ افغانی گه ساتماقده لر. بونگه علاوه فاریاب، سرپل و جوزجان ولایتلریده هم هرکونی ۵۰۰ گه یقین نقاب ایشلب چیقاره یاتکان کیچیک کارخانه لر هم ایشگه توشیریلگن.

  ۱۵ یاشده بولگن رمضان، قولی ده‌گی نقاب ده توله خریطه بیلن خیابان لرنی گیزیب ماسک ساته دی. اودیدی:« اویده آنم و سینگلیم نقاب تیکه دیلر ومین بازارگه کیلتیریب هرنقاب نی ۱۰ افغانی مردم گه ساته من.» رمضان بیشنچی صنف اوقوچی سی دیر. او نه فقط اوزی نقاب ساته دی بلکه باشقه ایشچی باله لرگه عمده نقاب ترقته دی و هرکونی ۸۰ دن ۱۰۰ دانه ماسک ساتیب یخشی درآمد کسب ایته دی.

 اما باشقه باله لروضعیتی رمضان دیک یخشی ایمس. اولر بیربسته نقاب نی رمضان دن ۷۰ افغانی ساتیب آله دیلرو هربسته نی ساتکنده ۳۰ افغانی فایده قیله دیلر.۱۳ یاشده بولگن فرهاد آلتی ییل آلدین عایله سی بیلن درزاب تومنی دن آواره بولیب شبرغان شهریگه باش پناه آلگن.او دیدی:« مکتب ده تورتینچی صنف ده درس اوقیمن. کرونا ویروسی تاپیلگنی دن آلدین ایاغ کیمی بویه ایدیم و هرکونی ۱۰۰ یا ۱۵۰ افغانی پول تاپردیم اما حاضر هیچ کیشی ایاغ کیمی نی بویه می دی و مین هم نقاب ساتیش نی باشله دیم.» فرهاد بوکونلر ۸۰ یا ۱۰۰ افغانی درآمدم باردیب کونده لیک عایداتی کرونا ویروسی ییرلگنی دن آلدین دن کوره پسگه توشکن دیدی.

مکتب لرتعطیل بولگنی سبب خیابان لرده کوپلب ایشچی باله لرنی کوزتیش ممکن.  بیشینچی صنف اوقوچی سی بولگن محمدرسول دیدی بوکونلر مکتب لر تعطیل دیر و مین هم نقاب ساتیش بیلن عایله ام روزغارینی تامین لشیم لازم. ۱۴ یاشده بولگن بو باله دیدی عایله میز سانی ۱۲ کیشی دیر. آتم شبرغان شهری قرنطینه بولیش دن آلدین «مردکارلیک » قیلردی اما حاضرایش یوق و آتم ایش سیزقالگن.

  جوزجان ولایتی ایش و اجتماعی ایش لراداره سی ریسی سیدعبدالرشید منصوری نشانه خبرآژانسی بیلن صحبت ده دیدی:«  بخشت گه قرشی کوپلب ایشچی باله لر خیابان لر، رستورانت لرو باشقه جایلرده آغیرایشلرنی بجرماقده لر. بو ایشچی باله لرسانی جوزجان ولایتی هلی همان انیق معلوم ایمس.»  منصوری جنابلری علاوه ایتی جوزجان ولایتی ایش و اجتماعی ایشلر اداره سی انده سنده درس اوقی یاتکان ایشچی باله لرگه بیرقطار یاردمچی موسسه لرهمکارلیگی بیلن کتابچه وقلم کمک قیلگندی و سونگی بارهم مکتب اوقی یاتکان ۵۰۰ باله لرگه شندای ماده لرترقتگندی.

 جوزجان ولایتی ایش و اجتماعی ایشلر اداره سی ریسی گه کوره ایش سیزلیک سبب باله لرینی نان تاپیش اوچون ایشگه جونتیشگه عایله لرنی مجبورقیلگن.منصوری جنابلری، بو اداره برچه رستوران لر، تیمیرچی لرو باشقه کسبه کارلرنی باله لردن آغیرایش لرگه فایده لنیش دن وازکیچیش لرینی تاکیدلشکن.

 مملکت ده کرونا ویروسی ییرلگن دن سونگ، یالغیز شخصی ساغلیک نی سقلش توصیه لرنی عملی قلیش، کورینیشیدن کووید۱۹ ویروسی آلدینی آلیش اوچون یگانه یول تانیلگن و حاضرگه قدرمعلوم ایمس که نقاب ساتیش و نقاب دن فایده لنیش بیلن قنچه لیک بو ویروس ییرلیشی آلدینی آأیش ده فایده لی دیر. جوزجان ولایتی عامه ساغلیک اداره سی اورین باسری داکتر فرید عزیزی بو حقده دیدی:« بخت گه قرشی افغانستان اکثرشهرلری نقاب کمچلیگی بیلن یوزمه یوزدیر و جوزجان ولایتی ده هم بو کمچیلیک یقال سیزیلماقده.» عزیزی جنابلری علاوه ایتی بیرقطار خیاطلیک لر اوزلری ایشلب چیقارگن نقابلری نمونه لرینی عامه ساغلیک اداره سیگه آلیب کیلگن . بیزهرتمان له مه مصلحت دن سونگ بیرقطار خیاط لرگه نقاب ایشلب چیقاریش گه رخصت بیردیک. عزیزی جنابلری اما شبرغان شهری خیابان لریده باله لرتمانیدن نقاب ساتیلیشی دن بی خبر ایکنی لیگی ایتی.او، برچه خیاطلیک لرو بو ولایت ده‌گی ماسک ایشلب چیقاره یاتکان مرکزلراوز ایشلرینی عامه ساغلیک اداره سی نظارتی آستیده دوام ایتیریش لری لازم.

 شبرغان شهریده ایشچی باله لراوندای بیرحال ده نقاب ساتیش ده یوزکیلتیرگن لرکه جوزجان ولایتی ده کرونا ویروسی مثبت واقعه لر سانی ۶۶ واقعه گه آشکن.شونینگ دیک شبرغان شهریده قرنطینه حالتی هم تورتینچی هفته نی اوتکزماقده.