ملی مصالحه عالی کینگاشی ریسی عبدالله عبدالله سابق جمهورریس حامدکرزی بیلن اوچرشیب تینچلیک پروسه سی بویچه حاصل بولگن یوتوقلرحقیده بحث قیلدیلر.

حامدکرزی مطبوعات دفتری نی خبربیریشیچه بو اوچرشو اوتکن کونی ( یکشنبه ۲۹ سرطان) اوتکزیلگن.

بو دفتر تمانیدن نشر بولگن خبرنامه ده ایککی تمان طالبان محبوسلرینی قویب یوباریلیش، دولت و طالبان گروهی ارا توغریدن توغری مذاکره لر تیزراق باشلنیشی وتیچلیک گه قول تاپیش اوچون کیلشولراجرا ایتیلیشی حقیده بحث قیلگنلر. خبرنامه ده بو موضوع لربویچه کوپراق ایضاح بیریلمگن.

بو اوچرشو اوندای بیرحالده اوتکزیلدی که افغانستان دولتی و طالبان گروهی ارا توغریدن توغری مذاکره لرنی باشلنیش شرطی ایککی تمان نینگ آلتی مینگ محبوسی نی قویب یوباریلیشی دیر.

جمهورریس لیک سراینی اعلان قیلشیچه حاضرگه قدر افغانستان دولتی طالبان نینگ تورت مینگ و تورت یوز محبوسی نی قویب یوبارگن، اما بوگروه نینگ ۵۹۲ محبوسی نی قویب یوبارمسلیگی نی ایتکن.

هرچند افغانستان حکومتی حاضرگه قدر بو محبوسلر جرم نمه ایکنی نی آچیقله مگن اما اولردن کوپراقی اوروش جنایتچی لری بولگنی ایتیلماقده.

باشقه تماندن طالبان گروهی هم حاضرچه افغانستان حکومتی نینگ قریب ۸۰۰ محبوسی نی قویب یوبارگن اما دولت قویب یوباریلگن محبوسلردن کوپراقی عادی اهالی بولگنی نی ایتکن.