په ارزګان کې یوه ښځه د کورنۍ له خوا شکنجه شوې
د ارزګان ځايي چارواکي وایي، په یاد ولایت کې یې د یوې ښځې شکنجه کوونکي یې نیولي او ښځه یې له مرګه ژغورلې.
د ارزګان ولايت امنيه قوماندان جنرال محمد عظيم هاشمي پرون ناوخته د (زمري ۶مه) نشانه خبري اژانس ته ویلي، چې د چهارشنبې په ورځ د ارزګان د مرکز ترينکوټ په غزنيګګي سیمه کې يوه ښځه د خسر او خاوند له لوري لومړی شکنجه شوې او وروسته يې خسر او خاوند غوښتل، چې دا ښځه ووژني؛ خو دوی ژغورلې ده.
د هاشمي په خبره له ژغورل شوې ښځې سره د خسرګنۍ له لوري ناوړه چلند کېده. د نوموړي په وینا پولیسو تورن کسان څارنوالۍ ته سپارلي دي.
د یادونې وړ ده، چې لا هم په لرې پرتو سیمو کې ښځې په ناموسي او دودیزو قضیو کې شکنجه کېږي.
ارزګان کې ۹ وسلوال طالبان وژل شوي
3 Aug 2021
په ارزګان کې امنیتي ځواکونو پرمختګ کړی
1 Aug 2021