رخساره ماه ني تورموش اورتاقي امنيتي قوتلرصفيده خذمتي جريانيده اوزجاني ني قولدن بيرگن،او بدخشان ولايتي شغنان تومنيده عکاسلیک قلیب عایله سی روزغارینی اوتکزه‌یب و فرزندلری نینگ مکتب خراجتنی تامین لیدی.

اوروش وناقرارلیک نی شوم سایه سی، کوپلب عیاللردن تورموش اورتاقی لرینی آلگن بولسه ده سانسیز باله‌لردن هم آته‌لرنی آلیب عایله‌لرنی سرپرست سیزقیلگن.حیات قیینتچلیکلری  رخساره ماه عایله سی کونده لیک حیاتیده آغیرسایه تشلگنی گه قره‌می؛ رخساره ماه  اوزی یکه لیک ده روزغاربیلن یقه مه یقه کورشیب قولدن بیرگن تورموش اورتاقی دن یادگار قالگن اوچ فرزندی قشاقلیک و چاره‌سیزلیک سیزمسلیگی اوچون بیر لحظه هم ایشلش دن قول تارتمگن.

بوعیال شغنان اولسوال لیگی ده مکتب نی بیتکزگندن سونگ ، ایللی ده‌گی عرف و عادت لرگه اساسا” اوز تومنی ده‌گی بیرایرکک بیلن تورموش قوریش ده راضی بولدی و تعلیماتی نی دوام ایتیریش اوچون بخت قویاشی، یاشلیک پیتیده اوچیب قالدی.

رخساره ماه دیدی، تورموش اورتاقی تورت ییل کابل ده ملی اردو صفیده ضابط اوله راق وظیفه بجرردی و بو مدت ده عایله سرپرستی اوله راق باله لرینی تربیه لشدن تشقری شغنان معلم تربیه لش یوکسک موسسه ده عالی تعلیماتی نی هم دوام ایتیردی و ایککی ییل دن سونگ بوموسسه نی کیمیا بولیمی نی بیتکزیب بو تومن نینگ بیرمکتبی ده اوقوتوچی صفتیده خذمت قیلردی.

رخساره ماه علاوه ایتی؛ قوماندان “دراب” بیلن اویلنگنی نی ثمره سی ایککی قیز و بیر اوغیل دیر.او تورموش اورتاقی اولدیریلگندن سونگ فرزندلرینی تربیه لش یولیده  کوپ مشقت لرنی چیدب کیله جک امیدی بولگن یگانه اوغیلی نی عالی اوقویورت ده جونتیشده موفق بولدی.

رخساره ماه خانم عمریولداشی عالم دن اوتکنی دن تورت ییل اوتگچ باله لری سرپرست لیگی نی اوز عهده سیگه آلیب و نهایت ده قیین آته سی طلبی گه موافق تورموش اورتاقی ایناغه سی بیلن اویلنیش گه مجبور بولدی اما کوپ مدت اوتمی بو ینگی حیات دوام تاپمدی و عمریولداشی ایناغه سیدن طلاق آلیب اجرلدی.

رخساره ماه اوقوتوچیلیک آرقلی عایله سی روزغارینی تامین لش و فرزندلریدن حمایت ایتیش، یگانه امیدی ایدی اما مکتب دن اضافه بست بولگنی سبب ایشسیز بولدی و امیدلری نینگ قصری هم ویران بولدی، لیکن او سعی و حرکت دن قول تارتمی عایله سی روزغارینی اوتکزیش اوچون هر بیر ایشیکگه باش اوردی.

اودیدی؛ شغنان اولسوال لیگی ده آغاخان موسسه تمانیدن یولگه قویلگن عکاسلیک فنی نی اورگتیش تعلیمی دوریده قتنشدی و بو فن نی اورگنیش دن سونگ شغنان اولسوال لیگیده ایلک عکاس لیک دوکان نی آچیدی.

اونی ایتشیچه بو عکاس لیک دوکان نی آچیشی بیلن بیرتماندن روزغاری احتیاجلیک لرینی تامین لب و باشقه تماندن باله لر تعلیم و مکتب خراجت لرینی تامین لشده موفقیت قازاندی.

بدخشان ولایتیده ایلک عیال عکاس بولگن رخساره ماه گه کوره حیاتی ایامی نینگ برچه کون لری کورش و سعی و حرکت دیرو عیاللر، روزگار جبریگه باش سوندیرمسلیگ لری کیرک. اونگه کوره عیال لر اوچون فرصت لر کوپ؛ اگر عیال لر محنت چکیب و عملی آدیم لرنی کوتاریش ده اورین سه لر حیات نینگ آغیر یوک لرینی مقصد گه یتکزیش ده موفق بولیش لری حتمی دیر.

بو محنتکش عیال،عکاس لیک فنی یانیده مرکزی آسیا تعلیمی موسسه سیده کامپیوتر و انگلیس تیلی دوره سینی بیتکزیش ده موفق بولگن.

او هرکونی کوپلب مشتری لر و خصوصا عیاللر اونی دوکانی گه مراجعه ایتیشی نی ایتیب و اورگنگن فن و مهارتلرینی باشقه عیاللرگه اورگتیش نی قصد قیلیب بیرقطار عیال لرگه ایش زمینه سی نی مساعد ایتیش ده سعی قیلماقده من دیدی.

بو عیال دوام ایتیره یاتگان کسب وکاریدن خرسند لیک بیلدیریب دیدی؛ حاضر نه فقط بیران کیمسه گه ته‌گن ایمس من دیب بلکه عکاسلیک دوکان دن قولگه کیرته‌یاتگان درآمدی دن عایله سی روزغارینی اوتکزیش دن علاوه عکاسلیک ایشی نی رواجلنتیریش هم موفق بولگن.

رخساره ماه؛ یالغیز اوز سعی و حرکتی بیلن فرزندینی عالی تعلیماتی نی بیتیریش وقتی گه چه حمایت قلیب و فرزندینی عالی اوقویورت دن فارغ بولیش گه گواه بولگن. او حاضر سعی قیلماقده قیزلرینی هم عالی اوقویورتده جونتیب اولردن هم حمایت ایتسه.

اونی معلوم قلیشیچه کوپلب عیاللر تورموش اورتاقلری وفات ایتکندن سونگ روزگارلری قرانگی بولیب حیاتلری سونگی لحظه لریگه چه بخت سیزلیک بیلن یشه گن؛ اما او هیچ قچان بوندای وضعیت گه تسلیم بولمی حیات نینگ هر بیرقیینتچلیک و مشقت لریگه قرشی کورشکن و هر بیر ایرکک دن کوره اوستون راق فرزندلریدن حمایت ایتیب کونده لیک حیاتی نی آسایشته لیک تمان آلیب بارگن.

رخساره ماه دیدی؛ باشله‌گن ایشی نی یادرمچی موسسه لر حمایت و همکارلیگی بیلن بو درجه ده یتکزگن و شو یاردمچی موسسه لر همکارلیگی بیلن بو اولسوال لیک ده یشه یاتکان باشقه بیرقطار عیال لرگه ایش و درآمد زمینه سی نی مساعد ایتیش نی چین کونگلوم دن آرزو قیله من.

بو کورشچی عیال اگر بو ایش ده اوندن حمایت و ارقه داشلیک بولسه باشقه بیرقطار عیاللر ایاغینی ایش بازاریلگه تارتیب و محل اقتصادی رواج رونقی اوچون عیاللر رولی نی یوکسلتیره اله من دیب فکر بیلدیردی.