هرات ده جنسیتی تینگسیزلیک لر سبب اقتصاد ساحه سی و سوداگرلیک فعالیت لر بوتکل ایرکک لرگه چیکلتیب قالگن و بو خطرلی و ریسک دن توله میدان گه عیاللر آدیم باسیش ده اونچه لیک جسارت قیلمیدلر.

هرچند هرات ده اقتصادی فعالیت لر ساحه سیده ایرکک لر عیاللردن کوره جدی راق دیر اما مملکت غربیده عیاللر سوداگرلیک و صناعت اتاقی مسوللری سونگی ییللرده عیاللر سوداگرلیک فعالیت لرده کوزگه کورنرلیچه حصه قوشیب کیلیشی گه خوشبینلیک اظهارایتماقده.

بو مرکز مسولی مریم جامی الاحمدی دیدی؛ اوتکن ایککی ییل جریانیده عیال سرمایه چی لر اوچون بیر قطار تعلیمی دوره لر یولگه قویلیشی بیلن، بو مرکز عیاللرنی اقتصادی فعالیت لرگه قیزیقترگن.

جامی الاحمدی خانم پروپوزل یازیش، محاسبه ، باشقرو و مارکتینگ کبی تعلیمی دوره لر عیاللر اوچون بو مرکزتمانیدن هرات ده یولگه قویلگن دیب ایتی.

مملکت غربیده‌گی عیاللر سوداگرلیک  و صناعت اتاقی گه کوره بو اداره عینی دمده سرمایه چی عیاللرگه سوداگرلیک جوازنامه سی الیش و سالیق تولش بویچه کوپگینه قولی لیک لرنی هم مهیا ایتکن.

هرات ده ۱۵۰۰ سرمایه چی عیال

اوتکن اون ییل جریانیده کوپلب عیاللر اوزلری و عایله لری اقتصادی نی قوللب قوتلش مقصدی بیلن تجارت و سوداگرلیک گه یوزتوتکن. البته بو عیاللردن بیرقنچه سی یریم یولده آرقه گه چیکینگن واما بیر قنچه لری هم بو قیینت یولنی گیزیب ایش نی دوام ایتیرگن.

عیاللر سوداگرلیک وصناعت اتاقی گه کوره بواداره نینگ تیکشیرولریگه اساسا” حاضرچه اینگ آز ۱۵۰۰ عیال هرات ده سوداگرلیک و تجارت بیلن شعللنماقده.

بو آره دن ۳۰۰ عیال تیگیشلی اداره دن رسمی جواز آلیب معیاری روش ده فعالیت قیلمقاده و ۱۰۰ عیال هم سوداگرلیک و صناعت اتاقی عضویتی نی حاصل قیلگن.

هرچند افغانستان غربیده‌گی عیاللر تجارت و صناعت اتاقی نی ایشیچه بو اداره عیال تشبثکارلردن حمایت ایتیش اوچون قندای بیر بودجه گه ایگه ایمس اما تشبثکارعیاللردن حق العضویت آلیب سوداگر عیاللرنی مسلکی بیلیم و مهارت لرینی یوکسلتیریش اوچون بیرقطار فایده لی دستور وبرنامه لرنی عمل گه آشیرگن.بونگه قره‌مسدن حاضرچه بو ساحه ده ایرکک لربیلن یان مه یان توریب اقتصاد بویچه رقابت قیله یاتکان عیاللر جدی حمایت لرگه ضرورتلری کتته دیدی جامی الاحمدی خانم.

مملکت ده سرمایه چی عیاللر قرشی سیده تورگن کتته توسیق لر

هرات ده ینگی دن جان آلگن عیاللر سوداگرلیک ایشلری قرشی سیده تورگن اساسی توسیق، ناتینچلیک، ایچکی و خلق ارا مقیاسی ده محصولات اوچون مناسب بازار یوقلیگی و سوداگر عیاللردن دولت تمانیدن ییترلیچه حمایت بولمگنی دیر.

هرات ده سوداگرلیک بیلن شغللنه یاتکان عزیزه کریمی دیدی حاضرکی شرایط، عیال سوداگر و سرمایه چی لر اوچون امیدسیزلنتیروچی دیر.

اونگه اوخشش قوروق میوه و مربا ساحه سیده فعالیت قیله یاتگان لطیفه اکبری هم دولت، عیال سوداگرلردن حمایت و ارقه داشلیک کورستیش اوچون معین و منتظم دستور قول اوستیده آلیشی لازم دیدی.

اونگه کوره اگر عیاللردن ییترلیچه حمایت بولسه کوپراق عیاللر بو ایشگه قیزیقیب سرمایه یاتقیزیش لری ممکن.

۲۰۰۵ میلادی ییل دن بیری سوداگرلیک بویچه فعالیت قیلیب کیله یاتکان اکبری خانم شو مدت ده کوپ پستلیک و بلندلیک لرنی تجربه قلیب اما دایم الغه تمان آدیم باسیش دن یوزتارتمگن من دیدی.

دولت حمایتی آز اما تاثیرچن

سوداگرعیاللرقرشی سیده تورگن کوپلب کمچیلیک و معمالرگه قره‌می، دولت تمانیدن بیرآزچه حمایت لر هم کورستیلگن.

مملکت غربیده‌گی عیاللر تجارت و صناعت اتاقی ریسی مریم جامی الاحمدی دیدی، سونگی وقتلرده اراضی و شهرقوریش اداره سی هرات شهری اطرافیده صناعتچی لراوچون اون بیش جریب ییرده بیر دایمی کورگزمه محلی نی قوریش ده حرکت قیلگن.بو دایمی کورگزمه محلی قوریلگن تقدیرده شبهه سیز ایچکی و خصوصا عیاللرایشلب چیقاره یاتکان محصولات بازاریگه مثبی تاثیر قالدیره دی.

اوعینی دمده عیال سوداگر و صناعتچی لرمحصولاتلریگه خلق ارا خصوصا قوشنی و منطقه مملکت لری مقیاس ده بازار تاپیش اوچون ریجه لر چیزیلگنی دن هم خبربیرگن.