خلیلزاد: امریکا تینچلیک آقیمی ده عیاللر حقلری سقلنیشی دن حمایه ایته دی
امریکانی افعانستان تینچلیگی بویچه مخصوص نماینده سی زلمی خلیلزاد، تینچلیک مذاکره لر آقیمی ده امریکا عیاللر حقلریدن حمایه ایته دی دیب ایتکن.
خلیلزادجنابلری بوکون ( شنبه ۱۲ میزان) توییتر صحیفه سیده یازگن امریکا قوشمه ایالت لری افغانستان ده عیاللر حق حقوقلریدن مدافعه ایتیش ده افغانستان دولتی نینگ مذاکره قیلوچی هیاتی عیال اعضالری سعی و حرکتلریدن حمایت ایته دی.
خلیلزاد جنابلری افغانستان دولتی نینگ مذاکره قیلوچی هیاتی ایریم اعضالری بیلن اوچرشکندن سونگ یتکن:« طالبان بیلن مذاکره قیله یاتکان عیاللر افغانستان عیاللری حق لریدن مدافعه ایتیش و افغانستان ده اوروش نی یکونلنتیریش ده عزم لری محکم دیر و بیز(امریکا) اولرنی یانیده تورگن میز.» امریکا نی مخصوص نماینده سی شونینگ دیک افغانستان دولتی نینگ مذاکره قیلوچی هیاتی نینگ سعی و حرکت لرینی مختوگه سزاوار اته گن.
خلیلزادجنابلری ، ایککی تمان ارا مذاکره لر باشلنگنی دن ایگرمه کون اوتگندن سونگ قطر گه سفرقیلگن.
خلیل زاد جنابلری شونینگ دیک اوتکن کونی افغانستان دولتی و طالبان گروهی نینگ مذاکره قیلوچی هیاتلری بیلن علاحیده اوچرشدی. بو اوچرشولردن سونگ ایککی هیات ارا تاپیلگن کیلیشموچلیک و معمالرگه ایچیم یول تاپیلشی کوتیلماقده.