طالبان رهبری‌نینگ هییت پیامی: بیز مملکت معماسینی مذاکره آرقه‌لی حل قیلیشنی افضل کۉره‌میز
neshananews
18 July 2021طالبان رهبری ملاهبت‌الله آخوندزاده هییت بیرمی‌مناسبتی بیلن قیلگن مراجعتیده تأکیدلشیچه، بوگروه مملکتده‌گی معمالرنی مذاکره آرقه‌لی حل قیلیشنی افضل کۉره‌دی.
آخوندزاده نینگ بوگون ( یکشنبه ۲۷ سرطان) قربان هییتی مناسبتی بیلن قیلگن مراجعتیده طالبان، سۉنگگی حربي یوتوقلر دېب اته‌گنیگه قره‌مه‌ی، مملکتده سیاسي اېچیم نینگ جدّي طرفدارلری اېکنلیگینی ایت کن.
طالبان رهبری نینگ تأکیدلشیچه ، بو گروه مذاکره‌لر آلیب باریش اوچون وکالتلی هیات تعیینله‌گن و هیات مملکتده تینچلیک و خوفسیزلیکنی تأمینلش اوچون برچه امکانیتلردن فایده‌لنه‌دی.
جناب آخوندزاده افغانستان حکومتینی تینچلیک مذاکره‌لرینی کېچیکتیره‌یاتگنلیکده عیبله‌دی و مملکتده موجود اوروش مذاکره‌لر آرقه‌لی توگه‌شینی تأکیدله‌دی.
طالبان رهبری اۉز جنگچیلریگه گروه نینگ بیر قطار تومنلرنی اېگه‌للب آلیشیگه اساسلنیب، تینچ اهالینی اۉلدیریشنی و جماعت قوریلمه‌لرنی ویران قیلیشنی توخته‌تیشنی مصلحت بېرگن.
اداری اصلاحات و دولت خدمتی کمیسیونی نینگ تدقیقاتیگه کۉره، سۉنگگی ایکّی آی ایچیده طالبان هجوملری نتیجه‌سیده ۳۰۰ گه یقین اداری بنالری ویران قیلینگن، مملکت نینگ ۱۲۰ ته تومنیده عامه اداری دفترلر جهازلری قسماً و تالان-تاراج قیلینگن.
کمیسیون نینگ قۉشیمچه قیلیشیچه، طالبلر نظارتی آستیده‌گی حدودلرده ۱۳ میلیوندن آرتیق اهالی حاضرگی کونده اساسي خدمتلردن محروم قیلماقده.
