هرات ده بير ترافيكي حادثه آرتيدن بيرعايله نينگ توفيز اعضاسي اوزجانلريني قولدن بيرگن. محلي منبع لرگه كوره بو شخصلر كاپيسا ولايتي يشوچيلري دير.

هرات محلي رسميلري لريني ايتيشيچه بو حادثه بوكون ايرته لب( يكشنبه ١١ جوزا ) ساعت اوچ ده ادرسكن تومني حدوديده يوز بيرگن. هرات حاكمي سوزچي سي جيلاني فرهاد نشانه خبر آژانسي بيلن صحبت ده ديدي بير شخصي تيزرفتار موتر ، يوك تاشوچي نقليه واسطه بيلن قرشيلشگن. فرهادجنابلري بو حادثه نينگ برچه قربان لري شخصي نقليه واسطه يولوچي لري بولگن ديدي.

بو ترافيكي حادثه ده اوچ عيال، تورت باله و ايككي ايركك قربان بولگن.

بو ترافيكي حادثه هرات ده اونداي بير حالده يوزبيرگن كه بوندن ايككي كون آلدين هم بيرترافيكي حادثه ده ايككي كيشي قربان بوليب و اوچ كيشي ياره لنگندي.

يوللر ينسيزليگي، ترافيكي اشاره لر فعال بولمگني و سفرچاغيده نقليه واسطه لر سرعتي كوپليگي بونداي حادثه لر عاملي ايتيلماقده.