افغانستان انسان حقلری کمیسیون بیر تحقیقی راپورنی نشرایتیب عیاللرنی بکارت پرده سینی جبری سیناوی جرم حسابلنگنی گه قره می بو سیناو مملکت ساغلیک نی سقلش مرکزلریده دوام ایتماقده دیب ایتکن.

بوکون ( یکشنبه ۲۰ میزان) نشر بولگن بو راپورده محبس لر و امن اوی لرده سقلنه یاتکان ۱۲۹ عیال تجربه لری عکس ایتیریلگن. بو سوراوده اشتراک ایتکن ۹۲ فایز عیاللر اولرنی راضی بولمسلیگی بیلن بو سیناو بیریش ده مجبور بولگن لرینی اعتراف ایتکن لر. بو عیاللر زنا و جنسی زورلنیش ادعا لرنی اثبات لشتیریش اوچون بوسیناونی اوتکزیش ده مجبور بولگن .

انسان حقلری مستقل کمیسیونی عیاللرنی بکارت پرده سی نی حبری روشده سیناودن اوتکزیشی نی انسان حقلری و انسان کرامتی گه ضد عمل اتب بو ایش توتختتیلیشی لازم بولگنی نی تاکیدلشکن.

افغانستان جزا کودی ده عیاللرنی بکارت پرده سینی سیناوی جرم اتلگن.بو قانون گه مطابق هیچ کیم بو آزمایش یا سیناونی عیال و قیزلرده اوتکزیشی گه حقی یوق لیگی قید ایتیلگن