بلخ ولایتی محلی رسمیلری حاجتمند و قرنطینه ده بولگن عایله لرگه قوروق نان ترقلیشی باشلنگنی دن خبر بیرگن. بو مسوللربو پروسه جمهورریس لیک سرای و محلی ارگانلرمستقل اداره سی بویروغی گه مطابق اوتکن کونی ( یکشنبه ۱۳ ثور) باشلنیب و بوشهرده قرنطینه یکونلنگنی گه قدر دوام ایتماقچی دیدلر.

مزارشریف بلدیه سی مطبوعات بولیمی مسولی حبیب نجفی زاده نشانه خبر آژانسی بیلن صحبت ده دیدی:« قوروق نان ترقلیش دستوری اوتکن کونی بوشهرنینگ اوچ ناحیه سیده باشلندی و بوکون و کیله سی کونلرده مزارشریف شهری نینگ ۱۲ ناحیه سیده کینگیتیریله دی.» نجفی زاده جنابلریگه کروه کیله سی بیرآی گه چه مزارشریف شهریده ۳۴مینگ ۹۵۰ حاجتمند عایله گه نان ترقلیشی نظرده آلینگن.

 نجفی زاده جنابلری نان پزلیک و بلح ولایتی حاکملیگی ارا نان پیشیریش و ترقلیش شرطنامه سی امضا بولگنی نی ایتیب بوشرطنامه عموما یشش محل لریقنی ده جایلشکن نان پزلیک لر بیلن امضالنگن دیدی .

  مزارشریف مطبوعات بولیمی مسولی علاوه ایتی هر ۲۴ ساعت ده بیرعایله گه اون قرص نان بیریلیشی نظرده الینگن و بو عایله لر یشش محللری یقنی ده جایلشکن نان پزلیک لردن اوز حق لرینی آله بیله دیلر.

اما کابل شهریده نان ترقتیش پیتیده ساغلیک نی سقلش اصوللرنظرده آلینمسلیگی بیرقطار مدنی فعاللر و طب متخصص لری تشویشی گه سبب بولگن. بو دستورنینگ اینگ مهم معماسی نان پزلیک مقابلیده مردم نینگ توپلنیشی دیر.بوندای حالت ده کرونا ویروسی بیرکیشی دن باشقه کیشی گه یوقیشی ممکن.اما مزارشریف ده بو معما یوزبیرمسلیگی دن نجفنی زاده جنابلری ایشانچ بیلدیرگن ، چونکه اونگه کوره مزارشریف بلدیه سی مردم و نان پزلیک لرنی ساغلیک نی سقلش توصیه لردن آگاهلنتیرگن.

   عینی حالده بلخ ولایتی ایریم یشوچی لری عایله لرگه ترقتیله یاتکان نان مقداری کوپیشی نی طلب ایتکنلر. مزارشریف اوچنچی ناحیه سی یشوچی سی رسول سخی زاده دیدی:« منی عایله ام اعضاسی سکیزکیشی دیرو اوچ وقت ده اون قرص نان بیزگه کفایه ایتمیدی.» سخی زاده نینگ کسبی رنگماللیک دیر وکرونا ویروسی تاپیلگنی دن بیری ایشلش دن محروم بولگن. اما بلخ ولایتی محلی رسمیلری بو یاردم لرمقداری کوپیشی حقیده حاضرگه قدر بیران ایجابی قرار آلمگن.